Þriðjudagur 3. júlí
Skemmtilegur þáttur þar sem breska sjónvarpskonan Cherry Healey kynnir sér drykkju sjö kvenna á misjöfnum aldri, allt frá unglingum til eldri borgara. Kannanir sýna að konur drekka meira en nokkru sinni fyrr. Cherry fer á stúfana og skálar með stelpum á öllum aldri og með ólíkan bakgrunn. Hún kannar hvað konur drekka, hvar þær drekka og hvernig smekkur þeirra breytist með tímanum. Hún talar við táninga sem stelast til að drekka í herberginu sínu, ungar konur á djamminu, miðaldra mömmur og gamlar ömmur sem staupa sig reglulega.