Skjárinn - Um Skjáinn

Velkomin að Skjánum

Skjárinn er leiðandi fyrirtæki á íslenskum sjónvarpsmarkaði. Skjárinn færir áhorfendum sjónvarpsstöð með fyrsta flokks afþreyingu og gagnvirkt sjónvarp, fyrst allra á Íslandi. Áhorfandinn getur pantað sér þær bíómyndir og þá þætti sem hann vill horfa á og ráðið sinni dagskrá. Skjárinn býður einnig upp á aðgang að öllum helstu innlendu og erlendu sjónvarpsstöðvunum sem íslenskum áhorfendum stendur til boða.

SkjárEinn er sjónvarpsstöð með glæsilegt úrval af frábærum sjónvarpsþáttum, jafnt innlendum sem erlendum. SkjárEinn hefur fært íslenskum áhorfendum marga af vinsælustu sjónvarpsþáttum heims á undanförnum árum og framtíðin er björt. SkjárEinn er næstum því ókeypis.

- SkjárEinn hóf göngu sína 20. október 1999 og varð fljótt vinsæll valkostur hjá áhorfendum. Frá upphafi hefur áhersla verið lögð á fjölbreytta innlenda dagskrárgerð og vandaða erlenda þætti. SkjárEinn hefur fengið hæstu einkunn fjölmiðla þegar spurt er um hvaða miðil fólk noti helst þegar það vill slappa af.

- SkjárEinn hefur komið með ferska vinda inn á íslenskan sjónvarpsmarkað og sýnt ögrandi og áhrifamikla þætti sem vakið hafa athygli og eftirtekt. SkjárEinn hefur í gegnum tíðina boðið áhorfendum upp á frábærar sakamálaseríur, dramatík, raunveruleikaþætti og gamanþætti af bestu gerð.

SkjárBíó býður byltingarkennda þjónustu sem færir dagskrárstjórnina í hendur notenda. Með einu hnappi á fjarstýringunni fá sjónvarpsáhorfendur aðgang að stóru safni úrvalsefnis þar sem fer saman nýjar og sígildar stórmyndir allra helstu kvikmyndaveranna, vinsælir sjónvarpsþættir og upptökur flestra innlendra sjónvarpsþátta SkjásEins, Ríkissjónvarpsins og Stöðvar 2. Aðgengi að efni byggir á hefðbundinni flokkun en jafnan er reynt að benda á áhugaverðar myndir og þætti auk þess sem hægt er að skoða lista yfir vinsælustu myndirnar hverju sinni. Áhersla er á gott barnaefni og frumsýndar unglingaseríur en allt erlent efni í SkjáBíó er með íslenskum texta. Auðvelt er að nálgast efni en tölverður hluti þess er ókeypis.

SkjárHeimur er endurvarp á fjölbreyttri dagskrá yfir 60 erlendra sjónvarpsstöðva sem skipt er upp í nokkra mismunandi pakka þannig að allir geta fundið eitthvað við sitt hæfi. Boðið er upp á mikið úrval barna- og unglingaefnis, fréttir, íþróttir, skemmtun og fræðslu með sérstakri áherslu á norrænar og aðrar evrópskar stöðvar.

SkjárGolf býður íslenskum golfáhugamönnum upp á sannkallaða veislu og er með yfir 1.000 klukkutíma á ári í beinni útsendingu frá heimsklassa golfi. Stöðin sinnir golfi betur en íslenskir áhorfendur hafa kynnst til þessa en á öllum stærstu mótunum verða allir keppnisdagarnir sýndir í beinni útsendingu, allt frá upphafi til enda. Golfið þarf því aldrei að víkja fyrir öðrum íþróttum og umgjörðin því betri en sést hefur á Íslandi áður. Auk allra helstu golfmótanna er skemmtilegur fréttaþáttur alla virka daga þar sem hægt er að fylgjast með öllu sem er að gerast í golfheiminum.SkjárGolf býður áskrifendum sínum upp á ýmis golffríðindi og hefur náð samningum við fjölda golfklúbba út um allt land.

Síður Skjásins